Mon, 09 Dec 2019

Hiligaynon News: Panaderya nagabulig sa pag bag-o sang mga priso

Philippine Information Agency
22 Nov 2019, 18:38 GMT+10

SYUDAD SANG ROXAS, Capiz, Nobyembre 22 (PIA) - Anom ka klase sang tinapay ang ginaobra tagsa ka adlaw, magluwas kon Sabado kag Domingo, sang mga priso sa kaso sang iligal nga droga sa Roxas City Jail sang Bureau of Jail Management and Penology sa Barangay San Jose diri sa Roxas City.

Ang proyekto nga "RCJ Bakeshop" nga nagbukas sang Nobyembre 6 ang natigayon sa suporta sang Technical Education Skills and Development Authority, Mayhekz Culinary Arts and Restaurant Services Institute (MCARSI) kag Saint Joseph Vocational Training Institute (SJVTI).

Ginpahayag ni SJO2 Ernie Olendo, nga Welfare Development - Jail Non-Officer sang RCJ, nga 50 ka mga Persons Deprived of Liberty (PDL) ukon priso ang ginhanas sa Bread Making kag Bread and Pastry Production magluwas pa sa pagtudlo sa ila sa accounting kag entrepeneurship ukon pag-negosyo bilang pagpanghanda sa pagbukas sang panaderya.

Samtang may 25 pa gid ka mga PDL nga nahanas sa Bread and Pastry sang tuig 2018.

Ang mga bumalakal sang tinapay nga monay, pandesal, panso kag Spanish subong man ube roll sa bakery amo ang mga kaupdanan man nga PDL kag ila mga bisita, empleyado sang BJMP kag iban pa nga nagapaabot sang serbisyo sa mga priso.

Ang nasambit nga inisyatibo ang natigayon pinaagi sa pagduso ni Jail Chief Inspector Abner Zamora nga warden sang RCJ sa katuyuan nga matudluan ang mga PDL sang mga legal nga pamaagi sang palangabuhian bilang paghanda sa ila liwat nga pagbalik sa komunidad sa palaabuton. (JBG/AAL/PIA Capiz)

More Morocco News

Access More

Sign up for Morocco News

a daily newsletter full of things to discuss over drinks.and the great thing is that it's on the house!